Illejla se jingħata bidu għall-Europride 2023 permezz tal-ftuħ uffiċjali li se jkun qiegħed jittella’ fil-Malta Fairs & Convention Centre, l-MFCC, f’Ta’ Qali minħabba l-maltemp li qiegħed ikun previst li se jolqot lill-gżejjer Maltin.
B’hekk se jibdew għaxart ijiem ta’ divertiment, iżda li fuq kollox ifakkru l-kisbiet ta’ pajjiżna f’dan il-qasam filwaqt li jibgħatu messaġġ favur l-imħabba.
Ray Calleja, Ron Briffa u Olivia Lilith se jospitaw din is-serata li se tkun segwita minn afterparty mtella’ minn Angie Laus, Ryan u Josmar.
Minkejja li nbidel il-post fejn se jsir il-ftuħ uffiċjali, l-Pride March f’Għawdex nhar is-Sibt 9 ta’ Settembru se ssir kif suppost.
Dan filwaqt li l-Pride Village fi Pjazza Tritoni se jkun qed jittella’ mit-tnax ta’ Settembru.
