Din is-sena l-programm Taste&Travel żar it-Tanżanija. Għal skeda ġdida li ser tixxandar fuq ONE, dan il-programm minn ħafna mili ‘l bogħod minn Malta se juri lis-segwaċi ta’ ONE dinja kompletament differenti, kultura interessanti u fuq kollox, l-iktar ħaġa li se toħroġ fis-sensiela ta’ din is-sena huwa l-mod ta’ kif jgħixu n-nies ta’ Zanzibar.
”Il-komunitajiet tagħhom sbieħ u magħquda wisq. Jgħixu ħajja sempliċi. Hemm il-faqar iżda għandhom konnessjoni qawwija bejniethom. It-tfal jaħdmu u jieħdu ħsieb il-ħuthom. In-nies ta’ hemm jirraġunaw hekk: illum għandna biżżejjed, għada naraw! It-tim tal-programm għex il-ħajja awtentika tal-Afrika, iżda żar ukoll il-bajjiet u l-ibħra pittoreski”
CLAIRE AGIUS ORDWAY – PREŻENTATRIĊI U PRODUTTRIĊIREKLAMSKROLLJA BIEX TKOMPLI
Bla dubju s-segwaċi ta’ ONE se jsegwu filmati mill-isbaħ imżewqa ma’ informazzjoni u kurżitajiet li Claire Agius Ordway se twassal flimkien ma’ persuni interessanti tal-lokal li jagħmlu l-programm aktar kkulurit. Taste&Travel ser ikun qiegħed jixxandar kull nhar ta’ Ħadd fis-6:10pm mill-iskeda ta’ Ottubru li ġej.
