Fi tmiem din il-ġimgħa se jittella’ festival mużikali fil-grawnd tal-futbol ta’ San Ġwann bil-għan li jinġabru fondi b’riżq Andrea Calleja.
Calleja, li f’Ottubru li għadda weġġa’ serjament daharu f’attività sportiva waqt il-programm The Grid f’Għajn Tuffieħa, spiċċa parzjalment ipparalizzat, issa jeħtieġlu li jagħmel operazzjoni fit-Tajlandja.
Għaldaqstant, nhar is-Sibt li ġej, 2 ta’ Settembru, mis-7.30 ta’ filgħaxija, se jsir dan il-festival bis-sehem ta’ numru ta’ artisti lokali fosthom Liston Bongailas, Kapitlu Tlettax, Street Elements u l-band Different Minds.
Waqt li l-festival, li qed jiġi organizzat minn Tika Taka Bar and Diner, San Ġwann FC Football Nursery u s-Sindku ta’ San Ġwann Trevor Fenech, hu bla ħlas, se tkun qed tinġabar donazzjoni minn Andrea Fundraising.
