Raġel ta’ erbgħin sena mill-Mellieħa ttieħed l-Isptar Mater Dei wara ħabta bejn mutur u karozza.
L-inċident seħħ illum għall-ħabta tal-kwarta ta’ waranofsinhar fit-Telgħa tax-Xemxija.
REKLAM
SKROLLJA BIEX TKOMPLI
Il-ħabta seħħet bejn karozza tal-għamla Peugeot misjuqa minn mara ta’ erbgħa u erbgħin sena minn San Pawl il-Baħar u mutur tal-għamla Peugeot Tweet.
Ir-raġel ittieħed l-isptar b’ambulanza u t-triq kienet magħluqa għat-traffiku għal xi ħin.
