Il-goalkeeper ta’ Swieqi United Cynthia Konlan mistennija li tingħaqad b’self mal-klabb mill-Arabja Sawdija Al Hilal.
Minn informazzjoni li għanda din il-paġna, Al Hilal kien ilhom isegwu mill-viċin lill-goalkeeper tant li fl-aħħar jiem bdew diskussjonijiet mal-klabb Malti, liema diskussjonijiet waslu għal ftehim sabiex l-internazzjonali tal-Ghana tħalli lill-Swieqi United u tkompi bil-karriera tagħha fl-Arabja Sawdija.
Huwa mifhum, li fl-stess waqt li Swieqi kienu għaddejjin b’negozjati ma’ Al Hilal, it-tmexxija tal-klabb kienet qed taħdem fuq sostitut ta’ livel sabiex jieħu post Konlan bejn il-lasti ta’ Swieqi.
Din il-paġna tista tikkonferma li Swieqi United iffirmaw lill-Patricia Araujo Da Silva magħrufa aħjar bħala Paty.
Paty hija goalkeeper tal-klabb ta’ Corinthians u minkejja l-eta’ ta’ 26 sena diġa rebħet bosta unuri.
