“It-tim jinsab lest għal sfida oħra Ewropea. Illejla f’Ta’ Qali ser naffrontaw tim b’saħħtu dak ta’ Ferencvaros. Madankollu, it-tim jinsab lest għal sfida oħra Ewropea.”
Dan kien il-messaġġ ewlieni tal-kowċ ta’ Ħamrun Spartans Luciano Zauri f’konferenza tal-aħbarijiet lejliet l-ewwel leg mill-UEFA Europa Conference League bejn Ħamrun Spartans u Ferencvaros.
Il-kowċ Zauri żied jgħid li matul id-disgħin minuta l-iskwadra trid tibqa’ kumpatta u kkonċentrata tattikament biex iġġib riżultat pożittiv kontra ċ-ċampjins Ungeriżi.
Fl-istess konferenza tal-aħbarijiet tkellem ukoll il-midfielder Kroat Roko Prsa.
Huwa qal li hu flimkien mal-plejers jinsabu magħqudin fi spirtu ta’ mentalità rebbieħa.
Il-partita mit-tielet rawnd ta’ kwalifikazzjoni tal-UEFA Europa Conference League bejn Ħamrun Spartans u Ferencvaros tibda f’sebgħa u nofs ta’ filgħaxija fl-Istadium Nazzjonali f’Ta’ Qali.
Ritratt: Hamrun Spartans FC Media
