Żieda ta’ kważi 88,000 f’dawk li ġew Malta bil-cruiseliners bejn April u Ġunju

Fit-tieni kwart ta’ din is-sena, il-passiġġiera li waslu Malta bil-cruiseliners qabżu l-225,000 b’żieda ta’ kważi 88,000 passiġġier, meta mqabbel mal-istess perjodu tas-sena l-oħra.  

Dan ħareġ minn statistika tal-Uffiċċju Nazzjonali tal-Istatistika, li wriet ukoll li din iż-żieda ġiet irreġistrata minkejja li kien hemm nuqqas ta’ erba’ vapuri mis-sena l-oħra. 

Minn din l-istatistika ħareġ ukoll li kważi nofs il-passiġġiera ġew minn pajjiżi tal-Unjoni Ewropea.