Raġel ta’ 54 sena li jgħix Ħal Tarxien weġġa’ gravi wara ħabta bejn żewġ karozzi fil-Marsa.
L-inċident seħħ għall-ħabta tal-għaxra u kart ta’ dalgħodu fi Triq it-Tromba.
REKLAM
SKROLLJA BIEX TKOMPLI
Ir-raġel kien passiġġier fi Skoda Fabia misjuqa minn raġel ta’ 56 sena minn Birkirkara.
Fil-ħabta kienet involuta wkoll Citroen Berlingo misjuqa minn raġel ta’ 43 sena minn Ħal Qormi.
Il-vittma ttieħed l-Isptar Mater Dei b’ambulanza fejn instab li sofra ġrieħi gravi.
Iż-żewġ xufiera ma ġewx rappurtati li weġġgħu fl-inċident.
L-investigazzjonijiet tal-Pulizija għadhom għaddejjin.
