Il-Paroċċa ta’ Marija Reġina l-Marsa se tgħaddi f’idejn il-Kurja

Mill-bidu ta’ Settembru li ġej, il-Paroċċa ta’ Marija Reġina se tgħaddi f’idejn il-Kurja. 

Fi stqarrija mill-Kurja ntqal li l-Arċisqof Charles Scicluna qed jafda f’idejn Dun Anthony Fitzpatrick it-tmexxija pastorali u amministrattiva ta’ din il-paroċċa.

Din il-paroċċa tiġbor fiha madwar 2,750 persuna f’900 residenza. 

F’din l-istqarrija, l-Arċisqof irringrazzja lill-Patrijiet Kapuċċini għal tant snin ta’ ħidma pastorali f’din il-paroċċa.