It-Tnejn 10 ta’ Lulju fit-20:35 fuq ONE, Andrea se tkun qed twasslilna l-finali ta’ Liquorish. Magħha fl-istudio se jingħaqdu Joseph u l-11-il parteċipant li ħadu sehem f’din l-avventura li din is-sena saret fil-Panama.
Xi ħadd mit-8 finalisti se jkun/tkun il-persuna rebbieħa ta’ din is-sena hekk kif ivvutat mill-pubbliku. Waqt dan il-programm se jintwerew filmati esklussivi li qatt ma’ dehru qabel u filmati oħra tal-aktar mumenti memorabbli u oħrajn li jnislu tbissima. Ħafna minn dawn il-filmati, l-parteċipanti qatt ma’ rawhom qabel u se nkunu qed naraw ir-reazzjoni għal dak li prepara t-team ta’ Liquorish.
JIBDA X-XOGĦOL FUQ L-20 EDIZZJONI TA’ LIQUORISH
Intant ġa beda x-xoghol fuq l-20 edizzjoni ta’ din l-avventura li se tkun qed tixxandar fuq ONE minn April 2024. L-applikazzjonijiet biex wieħed jieħu sehem għadhom miftuħa minn fuq il-mobile app uffiċċjali filwaqt li tħabbret id-data ta’ l-auditions. Dawn se jsiru t-Tnejn 17 ta’ Lulju mis-13:00 sad-21:00 ġewwa Cargo – Birgu Waterfront. Kull min hu mħajjar irid bilfors jattendi għall-dawn l-auditions.
