Illum se tibda kampanja nazzjonali biex jissewwew ammont kbir ta’ qtates li jiġu abbandunati fit-toroq Maltin u Għawdxin. Għal din il-kampanja, il-Gvern żid il-budget tiegħu minn ħamsin elf ewro għal mitejn elf ewro, u se tkun qed tindirizza madwar 5,000 qattus fis-sena biex tikkontrolla din il-popolazzjoni fit-toroq Maltin.
Il-kampanja se tkun qed tqis il-bżonnijiet speċifiċi tal-komunitajiet varji u l-popolazzjoni tal-qtates preżenti fiż-żona differenti, waqt li l-qtates se jkunu qed jinġabru minn trappers ta’ esperjenza.
Sabiex wieħed jagħmel użu minn dan is-servizz, jista’ jagħmel kuntatt mal-kordinatur tal-proġett permezz tan-numru 22924999 bejn is-7:00 ta’ filgħodu u t-15:00 ta’ waranofsinhar mit-Tnejn sal-Ġimgħa, jew permezz ta’ email fuq neutering.mafa@gov.mt.
