Tliet timijiet kisbu rebħiet kbar barra minn darhom hekk kif intlagħbet ir-raba’ ġurnata tal-kampjonat tas-sajf organizzat mill-Malta Darts Association.
Ħamrun Bayern saħħew posthom f’ras il-klassifika ta’ grupp A wara li għelbu lil Fgura Maypole 6-0. Huma qed igawdu tliet punti vantaġġ fuq l-eqreb rivali Birgu Boċċi Club fil-klassifika għalkemm dawn tal-aħħar għandhom logħba inqas.
F’logħba oħra mill-istess grupp, PO’s Bar Gudja ħadu l-ewwel rebħa tagħhom f’dan it-turnament wara skor ta’ 6-0 kontra Leah’s Bar sabiex qabżuhom fil-klassifika.
Fl-unika logħba li ntlagħbet minn grupp B, Team Fgura A kienu dominanti u għelbu lil Juventutis Domus 6-0. Din ir-rebħa għenet lill-Fgurin jitilgħu fl-ewwel post bl-eqreb rivali Floriana Premier CC li jinsabu tliet punti bogħod minnhom iżda għad iridu jilagħbu l-logħba li għandhom nieqsa.
KLASSIFIKA – GRUPP A
Ħamrun Bayern 12, Birgu Boċċi Club 9, Floriana MCP 6, PO’s Bar Gudja 3. Fgura Maypole, Leah’s Bar 1,
KLASSIFIKA – GRUPP B
Team Fgura A 9, Floriana Premier CC 6, Juventutis Domus 3, Duke’s Bar, Top Gun 1.
