Raġel mixli b’akkużi ta’ vjolenza domestika fuq il-mara f’każ li seħħ il-ġimgħa l-oħra

Raġel ta’ erbgħa u tletin sena mill-Maċedonja li jgħix San Pawl il-Baħar baqa’ jinżamm arrestat wara li dalgħodu, tressaq il-Qorti fuq akkużi ta’ vjolenza domestika.

Huwa ġie mixli b’akkużi marbuta ma’ vjolenza domestika fuq il-mara tiegħu, f’każ li seħħ fid-dsatax ta’ Ġunju f’San Pawl il-Baħar stess.

Fil-Qorti, ir-raġel wieġeb mhux ħati u ma saritx talba għall-ħelsien mill-arrest.

Għaldaqstant, huwa ġie eskortat lejn il-Faċilità Korrettiva ta’ Kordin.