Titlob li twaqqa’ l-akkużi kontra “missier ideali”

Allegata vittma ta’ vjolenza domestika, talbet li twaqqa’ l-akkużi kontra missier iż-żewġ uIiedha, li ddeskrivietu bħala missier ideali.  

Ir-raġel ġie mixli li weġġa’ ħafif lill-mara, li żammha kontra l-volonta’ tagħha, u li heddidha. 

Huwa allegatament ixxuttja lill-mara, qabel sakkarha fil-kamra tas-sodda, wara argument minħabba finanzi. 

Hija qalet li dan kien inċident iżolat, fir-relazzjoni tagħhom, li tmur lura 25 sena. 

L-allegata vittma infurmat lill-Qorti li ma riditx tixhed, hekk kif riedet taħfirlu. Żiedet tgħid li hu “missier ideali” u “sieħeb rispettabbli”.  

Għalhekk, il-Qorti ma setgħetx tkompli bil-każ.