‘Il-Klinika’ – drama ġdida li mill-iskeda ta’ Ottubru se tkun qed tixxandar fuq ONE. Infatti RG3 Productions li qed jieħdu ħsieb il-produzzjoni ta’ din is-serje, ilhom li bdew bix-xogħol għal din is-serje li ser iżomm lis-segwaċi ta’ ONE quddiem it-televizjoni minn ġimgħa għal oħra.
‘Il-Klinika’ hija storja ta’ Clayton Pace u Martin Grech u kull xena hi miktuba b’tali mod li żommok. Ix-xeni huma qosra u effetivi u l-ebda xena mhu ser tkun hemm għalxejn. Jekk titlef xena waħda, tkun tlift ħafna. Ir-rakkont tal-istorja, l-karattri interessanti, u l-mod ta’ kif tinbidel l-istorja ser iżomm ħafna segwaċi jsegwu din is-sensiela.
Is-serje tiftaħ mill-ewwel b’saħħiha u ser tieħu lit-telespettaturi f’dinja fejn il-ħażen ma jonqosx. Matul l-episodji, s-sensiela tidħol aktar fil-fond tal-misteri li jħabbtu lill-protagonisti flimkien. Kull episodju jwassal għall-alleanzi mhux mistennija u tradimenti li jwaqqfu l-qalb. Serje li fih dak kollhu li l-hajja tgħaddina minnu kontinwament. Pika, Għira, mħabba, vendetti, kunflitti u fuq kollox, il-familja, għax għalina l-maltin, dik hija l-pedament tal-ħajja.
Il-Klinika, minn Ottubru li ġej fuq ONE
