Fl-aħħar sigħat Hamrun Spartans ħabbru xejn anqas minn sitt akkwisti ġodda sabiex minn hawn u ftit tal-ġranet oħra jikkompettu fil-fażi ta’ kwalfikazzjoni tal-UEFA Champions League.
L-akkwsiti ta’ Hamrun huma id-difensur ċentrali Kroat Karlo Bilic, il-midfielder Serb Nemanja Krstic, il-winger Bulgaru Yuliyan Nenov, il-winger mill-Ghana Seth Paintsil, il-midfielder Brażiljan Elionay Freitas da Silva kif ukoll id-difensur laterali Malti Joseph Zerafa.
Bilic huwa plejer ta’ 29 sena li matul il-karriera tiegħu lagħab ma’ numru ta’ klabbs fosthom NK Dugopolje, Slavija S.,Orkan Dugi Rar, VSS Kosice, Podrezova u HNK Sibenik. Matul l-istaġun li għadda Karlo Bilic lagħab ma FC Koper ta’ Slovenia fejn lagħab 11 il-partita.
Għal Krstic din se tkun l-ewwel avventura barra minn pajjiżu hekk kif tul il-karriera tiegħu lagħab ma’ klabbs fis-Serbja biss. Mhux lis-stess jista jingħad għal winger Bulgaru Nenov li lagħab ma’ numru konsiderevoli ta’ klabbs fil-Bugarija, l-Marokk u l-Montenegro.
Il-Winger mill-Ghana Paintsil għandu 27 sena u matul l-aħħar staġuni lagħab ma TSV Hartberg fl-għola diviżjoni tal-futbol fl-Awstrija. Fil-passat huwa lagħab wkoll ma’ RB Ghana, BA United, FF Jaro, Admira Wacker u SV Ried.
Il-Brażiljan Elionay Freitas da Silva huwa midfielder ta’ 26 sena u din ser tkun l-ewwel avventura tiegħu barra minn pajjiżu. Matul l-karriera tiegħu Freitas lagħab ma’ Doce Mel, EC Vitoria, Joinville SC u Linense. Matul l-istaġun li għadda huwa lagħab ma’ Betim Futebol.
Min naħa l-oħra d-difensur Joseph Zerafa huwa plejer li ser ikun qed joffri ħafna f’dik li hija esperjenza lit-tim ta’ l-Spartans. Matul l-karriera tiegħu huwa lagħab ma’ Birkirkara, Valletta u Hibernians. Zerafa kellu wkoll esperjenza barra l-pajjiż ma Grays Athletic u Welling United.
