Hekk kif intemm il-proċess tat-tqassim taċ-ċekkijiet tar-rifużjoni tat-taxxa lil kwart ta’ miljun ruħ, il-Ministru għall-Finanzi u x-Xogħol, Clyde Caruana, poġġa fuq il-mejda tal-Kamra tar-Rappreżentanti informazzjoni dwar il-proċess. B’kollox, għal din il-miżura li tippremja l-bżulija, il-Gvern investa €26 miljun ewro fil-ħaddiema u fil-pensjonanti li jaħdmu.
Il-benefiċjarji taċ-ċekk tar-rifużjoni tat-taxxa kienu ċittadini li kienu impjegati fl-2021 u li d-dħul tagħhom ma qabiżx is-€60,000, filwaqt li l-ammont ta’ rifużjoni varja skont id-dħul fl-2021.
REKLAM
SKROLLJA BIEX TKOMPLI
Anki dawk il-pensjonanti li kienu impjegati fl-2021 kienu eliġibbli għal dan iċ-ċekk.
Fuq il-bażi tad-dħul miksub fl-2021, ir-rati tar-rifużjoni tat-taxxa kienet kif ġej:
| Komputazzjoni – Persuna Waħidha | Intitolat(a) |
| Dħul | 2023 |
| €0 – €15,000 | €125 |
| €15,001 – 30,000 | €95 |
| €30,001 – €59,999 | €60 |
| Komputazzjoni – Miżżewġin | Intitolat(a) |
| Dħul | 2023 |
| €0 – €20,000 | €140 |
| €20,001 – €40,000 | €110 |
| €40,001 – €59,999 | €65 |
| Komputazzjoni – Ġenitur | Intitolat(a) |
| Dħul | 2023 |
| €0 – €15,000 | €135 |
| €15,001 – €30,000 | €105 |
| €30,001 – €59,999 | €60 |
