Steve D’Amato huwa l-favorit li jerġa jieħu f’idu t-tim ta’ Sirens hekk kif fl-aħħar ġranet intensifikaw id-diskussjonijiet bejn iż-żewġ naħat sabiex jerġa jkun D’Amato li jmexxi lit-tim minn San Pawl il-Baħar fl-istaġun li ġej.
It-tmexxija ta’ Sirens bdiet bil-ħidma tagħha wara li kien ġie fit-tmiemu l-kuntratt ta’ Winston Muscat bħala kowċ biż-żewġ partijiet jiddeċiedu li jaqbdu toroq alternattivi.
Għalkemm Sirens tkellmu ma’ numru ta’ kowċis jidher li D’Amato huwa l-preferut tat-tmexxija tal-klabb u fil-ħin li ġej mistenni li jinħatar mill-ġdid il-kowċ ta’ Sirens.
Matul l-istaġun li għadda D’Amato mexxa lill-Swieqi United fic-Challenge League fejn it-tim irnexxilu jirreġistra xejn anqas minn 14 il-rebħa, 8 draws u sitt telfiet għal total ta’ 50 punt.
