Il-Ħadd filgħodu l-Iscouts Association of Malta u l-Malta Girl Guides għamlu l-parata tradizzjonali annwali tagħhom tul Triq ir-Repubblika fil-Belt Valletta.
Bosta tfal u żgħażagħ lebsin l-uniformi tagħhom immarċjaw sa Pjazza San Ġorġ, fejn sellmu lill-Aġent President, l-Eċċelenza Prof. Frank Bezzina.
Il-parata kienet immexxija mill-membri tad-distretti ċentrali, hekk kif attendew quddiesa ta’ radd il-ħajr fil-knisja parrokjali tal-Furjana aktar kmieni filgħodu.
Il-quddies kienet iċċelebrata mill-Isqof Joseph Galea Curmi flimkien mad-diretturi spiritwali tal-assoċjazzjonijiet, Fr Anton Briffa u Fr Luke Cutajar.
Fil-ħdax neqsin kwart, il-parata bdiet minn ħdejn il-monument tal-Indipendenza, fejn l-Iscouts u l-Girl Guides irħewlha lejn il-belt kapitali.
Wara li mmarċjaw minn Triq ir-Repubblika u ħarġu minn Pjazza San Ġorġ, komplew sejrin sa quddiem il-Berġa ta’ Kastilja, fejn hemm, intemmet il-parata.
