It-tielet semi-finali ta’ Brillanti Dance bit-tema Brillanti Goes Film! ‘il fuq minn 2,000 applikant, is-semifinalisti issa jgħooddu 11 biss u minnhom irid jintagħżel ir-rebbieħ ta’ din is-serje hekk spettakolari. Hija wkoll bi qsim il-qalb li l-ġimgħa li għaddiet Brillanti sellem 3 żeffiena ta’ talent kbir, Charlot, Luke u Ali fi programm li qasam il-qlub ta’ kull min rah, għaliex it-telfa tagħhom u tat-talent għoli li jħaddnu inħasset mhux ftit!
Din il-ġimgħa, Brillanti Dance ser jirregalalna emozzjonijiet kbar hekk kif is-semifinalisti li fadal jissieltu u jitħabtu sabiex jimpressjonaw il-ġurija u ma jgħaddux għall-playoff finali. Din il-ġimgħa s-semifinalisti ser joħduna fid-dinja taċ-ċinema għaliex ser jgħinuna noħolmu. Min ser joħodna f’xi film romantiku bħal Nuovo Cinema Paradiso u min se jgħina ngħixu karattri fittizji u qawwi bħal Joker, min ser joħodna fid-Djun tad-Deżert u min fit-tlellix ta’ Las Vegas.
