It-Tim Nazzjonali tal-Handball tal-Irġiel U24 telaq lejn il-Bulgarija fejn se jieħu sehem fir-raba’ edizzjoni tal-IHF Men’s Emerging Nations Championship li jibda t-Tlieta f’Varna, il-Bulgarija.
Din se tkun l-ewwel edizzjoni tal-kompetizzjoni mill-2019, b’dik fl-2021 tiġi kkanċellata minħabba r-restrizzjonijiet imposti mill-pandemija tal-COVID-19. Tnax-il tim nazzjonali minn ħames kontinenti se jieħdu sehem fil-Palazz tal-Kultura u l-Isport f’Varna, bl-ospiti l-Bulgarija jimmiraw li jiksbu l-ewwel trofew tagħhom wara li spiċċaw fit-tielet post fl-edizzjoni preċedenti.
Il-Gran Brittanja u Malta biss se jirritornaw għall-kompetizzjoni għar-raba’ darba. Il-Gwatemala se jkunu qed jieħdu sehem fl-ewwel kompetizzjoni internazzjonali ewlenija tagħhom, filwaqt li Kuba, ir-runners up tal-aħħar edizzjoni, qed jirritornaw ukoll għall-kompetizzjoni, bl-għan li jtejbu r-riżultat tagħhom u jsiru l-ewwel nazzjon mhux Ewropew li jirbaħ il-kompetizzjoni. In-Niġerja u l-Indja se jkunu qed jirrappreżentaw lill-kontinent Afrikan u Ażjatiku rispettivament.
It-12-il tim huma maqsuma f’erba’ gruppi ta’ tliet timijiet kull wieħed, bir-rebbieħa ta’ kull grupp jikkwalifikaw għas-semifinali.
Grupp A: Malta, Indja, Andorra
Grupp B: Ċipru, ir-Repubblika tal-Moldova, l-Awstralja
Grupp Ċ: Gran Brittanja, Kuba, Gwatemala
Grupp D: Ażerbajġan, Bulgarija, Niġerja
Il-Kowċ Nazzjonali Diogo Castro se jkun qed jagħżel it-tim għall-ewwel partita tat-Tlieta kontra Andorra minn din il-lista ta’ 20 plejer.
GOALKEEPERS: Matthew Fenech (La Salle HC); Jefferson Borg (Swieqi Phoenix HC); Clinton Mifsud (Swieqi Phoenix HC)
LINE PLAYERS: Anthony Mifsud (La Salle HC); Julian Seguna (La Salle HC); Jaydon Mizzi (Kavallieri HC)
DARA: Andrea Fenech Cesareo (Aloysians HC); Gianluca Vassallo Ciliberti (Aloysians HC); Neil Gruppetta (La Salle HC); Lizio Buhagiar (La Salle HC); Liam Harrison (Kavallieri HC); Matthias Azzopardi (Swieqi Phoenix HC); Isaac Vella (Swieqi Phoenix HC); Jacques Seifert (Swieqi Phoenix HC); Matthias Galea (Swieqi Phoenix HC)
WINGERS: Jean Paul Abela (Aloysians HC); Alan Portelli (La Salle); Jeremy John Scicluna (La Salle HC); Jordi Stafrace (La Salle HC); Benjamin Spiteri (Swieqi Phoenix HC)
STAFF TEKNIKU: Diogo Castro (Head Coach); Matthew Mamo (Assistent Kowċ); Joseph Tanti (Assistent Kowċ); Daryl Azzopardi (Fiżjoterapista); Bernardette Vassallo (Analista); Ichem Hocini (Team Manager)
Il-finali se ssir il-Ħadd 30 ta’ April f’Varna, bir-rebbieħa taż-żewġ semi-finali jikkompetu għat-trofew il-kbir.
