Fit-tieni u l-aħħar partita tal-Ħamis fic-Centenary Stadium Valletta u Marsaxlokk ħadu punt kull wieħed f’logħba pjutost kwieta u bi fti jew xejn interess.
L-azzjonijiet kienu ftit bl-inizjattiv joħduha Marsaxlokk meta minn korner ta’ Agius, Uzeh kellu daqqa ta’ ras li għadiet ftit barra. Marsaxlokk mill-ġdid perikolużi fit-tmien minuta meta Moracci minn quddiem il-goaler Formosa, kellu l-konkużjoni tiegħu imblokkata.
Fit-18-il minuta Valletta ġew mogħtija penalty meta Moracci waqqa’ lil Pena Beltre fil-kaxxa bir-referee Slawomir Olucha jornda penalty li minnhu Andrea Zammit għeleb lil Jose Ruiz Gamonal għal 1 – 0.
Marsaxlokk wieġbu b’żewġ azzjonijiet tajba; l-ewwel Fonseca fajjar xutt li Formosa salva u ftit wara mill-ġdid Formosa li dawwar f’korner konklużjoni ta’ Moracci biex l-ewwel taqsima intemmet 1 – 0.
L-azzjonijiet fit-tieni taqsima kienu limitati b’Marsaxlokk l-uniku tim perikoluż.
Għoxrin minuta mit-tmiem korner ta’ Ayrton Attard ta’ Marsaxlokk u daqqa ta’ ras ta’ Oscar Carniello tmur barra.
Marsaxlokk kisbu l-gowl tad-dro mat-tokki tad-disgħin minuti meta konklużjoni b’saħitha ta’ Ayrton Attard spiċċat għelbet lil Formosa.
Fil-bidu tal-konfront Valletta, permezz tal-President Alexander Fenech, preżentaw tifkira lit-team manager Gerard Ellul fl-okkażjoni tat-tlett mitt partita tiegħu ma’ Valletta bħala team manager.
Referee: Slawomir Olucha
Plejer tal-Logħba: Emmy Manuel Pena Beltre ( Valletta )
