It-tnax il-edizzjoni tat-Teamsport goalkeeper battle se ssir fit-2 u 3 ta’ Ġunju fil-grawnd prinċipali ta’ San Ġwann. Għal sena oħra, din l-edizzjoni se tiġi organizzata bil-kollaborazzjoni tal-Kunsill Lokali ta’ San Ġwann. Il-profitt minn din l-attivita se jmur kollu għal Fondazzjoni Żemżem, li hija organizazzjoni volontarja li tassisti pazjenti bil-marda tal-leukemia.
Il-Kategoriji kollha għal din is sena huma dawn:-
Kategorija Maskili – U9 / U11 / U13 / U15 / U17 / U19 u ikbar
Kategorija Femminili – U15 u ikbar.
Kunċett ġdid li ser jiġi introdott għal ewwel darba din is -sena huwa l-unur li se jingħata lil dak il-klabb li se jkollu l-akbar ammont ta’ rebbieħa ta’ midalji f’din l- edizzjoni.
B’kollox massimu ta’ 32 goalkeeper f’kull kategorija se jitħallew jipparteċipaw f’kull kategorija. Kull kategorija tinqasam fit-tmien gruppi ta’ erba gowlkeepers.
L-ewwel żewġ gowlers minn kull grupp jikkwalifikaw għal fazi tak-knockout. Id-durazzjoni ta’ kull partita huwa ta’ 4 minuti u l-logħbiet kollha se jkunu ikkontrollati minn referees tal-MFA.
Trofej se jkunu qed jingħataw lir-rebbieh ta’ kull kategorija kif ukoll dawk li jispiċċaw fit-tieni u t-tielet post f’kull kategorija. Il-parteċipanti kollha se jingħataw kit, ingwanti u midalja kommemorattiva.
L-applikazzjonijiet jinġabru minn nurseries kollha f’ Malta u Ghawdex, Team Sport Iklin, Di MILANO sports shop Rahal Ġdid u mill-grawnd tal-futbol ta’ San Ġwann.
Se ssir ukoll open day fit-13 u l-20 ta’ Mejju fil-grawnd ta’ San Ġwann, fejn ikunu jistaw jinġabru l applikazzjonijiet ukoll.
Dawk kollha interessati għandhom ċans sal-Ġimgħa 26 ta’ Mejju sabiex japplikaw bil-poloz jittellaw It-Tnejn 29 u t-Tlieta 30 ta’ Mejju. Għal aktar informazzjoni wieħed jista jċempel fuq 79620045 jew 99496628.
