Nhar il-Ħadd 2 ta’ April, il-Kumitat Paralimpiku Malti u l-Evolve Badminton Academy se jorganizzaw l-ewwel Open Day tal-Para Badminton! Il-pubbliku huwa mistieden jiskopri dan l-isport flimkien mal-familja u l-ħbieb.
L-Open Day se titmexxa min Matthew Abela (coach tal-Badminton u atleta li rrapreżenta Malta fl-Olimpjadi ta’ Tokyo 2020). Apparat sportiv (inklużi siġġijiet tar-roti sportivi) se jiġi pprovdut dakinhar. Para Badminton huwa xieraq għal diversi kategoriji ta’ diżabilitajiet fiżiċi, inklużi persuni amputati, individwi li jgħuzaw siġġijiet tar-roti u nuqqasijiet oħra ta’ mobilità fiżika.
Kull min huwa nteressat jista’ jirreġistra b’din il-formola onlajn – https://form.jotform.com/230392668737366.
Data: Il-Ħadd 2 ta’ April 2023
Ħin: 09:00 – 12:00
Post: Kulleġġ De La Salle, il-Birgu
