Valletta waqfu l-mixji pożittiva ta’ Gżira United meta fl-ewwel partita fl-Stadium Nazzjonali f’Ta’ Qali tal-Ħadd huma rebħu 2 – 1.
Sitt minuti logħob u waslet l-ewwel azzjoni tal-partita meta daqqa ta’ ras ta’ Jackson Mendoza ġiet imdawra f’korner mill-goalkeeper Cain Formosa.
Fl-azzjoni sussegwenti fl-14 il-minuta t-tim ta’ Valletta marru fil-vantaġġ meta kienet azzjoni tajba bejn Shaun Dimech u Kilian Bevis, b’dan tal-aħħar ra x-xutt angolat tiegħu jispiċċa fix-xibka wara l-goalkeeper ta’ Gzira United.
Gzira United wieġbu fit-28 minuta meta korner tajjeb ta’ Kolega u daqqa ta’ ras ta’ Nikolai Muscat spiċċat ftit barra.
Man-nofs siegħa logħob kross tajjeb ta’ Toni Kolega ta’ Gzira United u Maxuell Maia ra l-konklużżjoni bir-ras tiegħu tmur barra.
Tlett minuti mil-ftuħ tat-tieni taqsima u kienu Valletta permezz ta’ xutt ta’ Brandon Paiber li ġie salvant minn Zarkov.
Minuta wara u Gżira United ġew mogħtija penalty dan hekk kif Jackson Mendoza twaqqa fil-kaxxa minn Enmy Manuel Pena Beltre u r-referee Trustin Farrugia Cann ordna penalty. Inkariga ruħu mill-penalty Maxuell Maia, li x-xutt tiegħu ġie salvat mill-goalkeeper Cain Formosa.
Fl-54 minuta Gzira United mill-ġdid perikolużi meta kien Jackson Mendoza li prova xutt li għadda ftit barra.
Valletta wieġbu tlett minuti wara meta kien Andrea Zammit li għadda ballun lejn Kilian Beviz, iżda pront kien l-goalkeeper ta’ Gzira United li ħareġ u biegħed il-periklu.
Fil-65 minuta Marcelo Dias ta’ Gżira provda kross u kien s-sostitut Lucas De Oliveria Riberio li ra’ daqqa ta’ ras tiegħu tmur ftit barra.
Tlett minuti wara u kellna t-tieni penalty tal-partita, din d-darba għat-tim ta’ Valletta meta kien Luke Tabone li waqqa li Andrea Zammit fil-kaxxa. Mil-11 il-metru inkariga ruħu Brandon Paiber li tefa l-ballun fix-xibka u kabbar il-vantaġġ għall- Beltin.
Minuta minn tmiem, u Gzira naqsu il-marġini ta’ l-iskor meta kien Jefferson De Assis li provda l-kross li spiċċa għand Lucas De Oliveria Riberio li għeleb għall kollox lill-goalkeeper Cain Formosa.
Referee: Trustin Farrugia Cann
Plejer tal-logħba: Cain Formosa (Valletta)
