Wara s-suċċess inkredibbli ta’ l-ewwel programm BRILLANTI, ltqajna ma’ Joseph Chetcuti, il-moħħ u l-qalb wara Brillanti Dance sabiex nieħdu ftit il-kummenti tiegħu. B’għajnejh jixgħelu Joseph kellimna dwar dan il-programm li qed jagħti opportunita’ lil bosta
”Irrid nibda biex ngħid grazzi mill-qalb lill-għexieren ta’ Maltin u Għawdxin li segwewna fl-ewwel programm ta’ din is-sensiela hekk speċjali. Ir-rispons u l-kummenti tat-telespettaturi kienu eċċezzjonali u jimlewk b’sodisfazzjon kbir għaliex tassew apprezzaw mhux biss il-livell għoli tal-produzzjoni tagħna, iżda għaliex jemmnu wkoll fit-talent veru taż-żgħażagħ tagħna! U dan hu tassew minnu għaliex Brillanti Dance żamm lil tant telespettaturi imwaħħlin mat-televiżjoni tagħhom il-Ġimgħa li għaddiet hekk kif iż-żgħażagħ żeffiena għaddew mill-għarbiel tal-ġurija”
JOSEPH CHETCUTI – PRODUTTUR
Fl-ewwel programm rajna żgħażagħ jifirħu u jtiru bil-ferħ, oħrajn kemmxejn diżappuntati hekk kif il-ġurija dehrilha li ma jkomplux għall-kwarti tal-finali. Fi kliem Joseph stess: ‘L-emozzjoni hija waħda kbira ferm, mhux biss għaliex il-premju finali huwa ta’ €15,000 iżda għaliex iż-żeffiena jridu joħorġu ta’ nies quddiem Malta u Għawdex kollha.
U din il-Ġimgha se nkomplu naraw l-awdizzjonijiet b’ħafna emozzjonijiet. Min minnhom ser jgħaddi għall-fażi li jmiss? u min minnhom ser ikollhom jippakkjaw u jmorru lura d-dar?
BRILLANTI jixxandar il-Ġimgħa fit-8:30pm fuq ONE
