Uffiċjal ta’ Transport Malta jweġġa’ gravi wara li ntlaqat waqt li kien qed jagħlaq triq

Uffiċjal ta’ Transport Malta ġarrab ġrieħi gravi hekk kif intlaqat minn karozza waqt li kien qed jagħlaq triq.

L-uffiċjal ta’ 51 sena kien qed jagħlaq Triq l-Infetti, taħt l-Imdina minħabba inċident tat-traffiku aktar kmieni filgħodu, fejn inqelbet karozza.

Huwa kien qiegħed viċin il-mutur tiegħu, meta karozza misjuqa minn raġel ta’ 46 sena laqtet il-mutur u l-uffiċjal.

Huwa ttieħed l-isptar għall-kura, u ftit wara, ġie ċċertifikat li qed isofri minn ġrieħi gravi.