Starlites FIJO rebħu l-MBA Shield tan-Nisa hekk kif fil-finali li saret il-Ħadd wara nofs-in nhar għelbu lil Caffe’ Moak Luxol bl-iskor ta’ 55-40. Għal Starlites dan kien l-ewwel unur tagħhom dan l-istaġun.
Starlites bdew tajjeb ħafna fl-ewwel sessjoni meta rebħu 16 għal 9. Aktar bilanċjata t-tieni sessjoni li rat lil Luxol jirbħu 15 għal 14.
REKLAM
SKROLLJA BIEX TKOMPLI
Starlites rebħu t-tielet sessjoni 19 għal 13, filwaqt li fl-aħħar sessjoni kienu deċiżivi żewġ trippli ta’ Steffi De Martino u Mikela Riolo għar-rebħ tal-finali.
Fi tmiem il-logħba saret il-preżentazzjoni tat-tazza lill-captain ta’ Starlites Steffi De Martino mill-president tal-MBA Paul Sultana.
Referees: Gordon Barbara,Nicky Azzopardi, Florentina Ciurariu.
Photo Credit: Stephen Christopher Vella
