Fl-unika partita tal-Ħadd fl-Istadium Nazzjonali f’Ta’ Qali Hamrun Spartans u Birkirkara temmew il-konfront ta’ bejnithom fid-draw ta’ mingħajr gowls.
Wara ħames minuti kienu l-Spartans permezz ta’ Matthew Guilliamier li provda l-kross u Joseph Mbong kellhu l-konklużjoni tiegħu li għaddiet ftit barra.
Fl-20 minuta kienu l-Spartans meta Matthew Guilliamier seraq ballun lill-Alex De Paixao, qassam lejn Jonny Do Nascimento Torres li avvanza u prova xutt li kien salvat mingħajr ebda problemi mill-goalkeeper ta’ Birkirkara Giacomo Nava.
Lejn tmiem l-ewwel taqsima l-Spartans kellhom żewg azzjonijiet oħra fejn l-ewwel kien hemm xutt ta’ Bruno Domingos li għadda ftit barra, u fl-azzjoni ta’ wara kien Roko Prsa li naqas milli jikkonkludi u ħalla l-ballun għaddej biex l-azzjoni sfumat fix-xejn.
HT 0-0
L-ewwel azzjoni tat-tieni taqsima waslet minn Birkirkara meta kien l-ex Kevin Tulimieri li approfita minn żball fid-difiza ta’ l-Spartans iżda minflok prova jikkonkludi prova jaqbeż xi plejers oħra biex eventwalment l-azzjoni sfumat fix-xejn.
Sitt minuti wara u kienu l-Spartans permezz ta’ Elvis Sukisa li prova xutt li kien imdawwar f’korner minn Alessandro Coppola.
Għaxar minuti mit-tmiem u kienu Birkirkara permezz ta’ Alessandro Coppola li minn azzjoni ta’ freekick prova jikkonkludi bir-ras liema konkluzzjoni għaddiet għoli.
Lejn t-tmien Hamrun Spartans spiċċaw b’plejer anqas meta l-plejer Steve Borg tkeċċa wara li kien muri t-tieni karta safra fil-partita.
Referee: Alex Johnson
Plejer tal-logħba: Alessandro Coppola (Birkirkara)
