Fl-unika partita tal-Ħadd fit-Tony Bezzina Stadium kompliet il-mixja pożittiva ta’ Hamrun Spartans b’ rebħa ta’ 3-0 kontra Sirens.
Erba minuti mill-ftuħ tal-partita u l-Spartans fetħu l-iskor meta wara li kien hemm indeċiżjoni fid-difiża ta’ Sirens, approfita Bruno Domingos ta’ Hamrun li bir-ras għadda l-ballun lejn Elvis Sukisa li tefa’ fix-xibka.
Fl-azzjoni sussegwenti fit-tmien minuta Hamrun kienu viċin li jkabbru l-iskor meta Domingos għadda ballun lejn Elvis Sukisa li ra l-konkluzzjoni tiegħu tispicca mal-lasta.
Sittax il-minuta u għal darboħra l-Spartans fejn Ryan Camenzuli u Elvis Sukisa biddlu l-ballun b’dan ta’ l-aħħar qassam lill- Jonny li prova xutt li għadda barra.
Fit-28 minuta Hamrun kabbru il-vantaġġ meta minn kross kien Elvis Sukisa li bir-ras tefa il-ballun fix-xibka.
Mal-ftuħ tat-tieni taqsima kien Ivan Kolev għal Sirens li prova xutt li iżda ħabat ma’ barra tax-xibka.
Hamrun wieġbu fl-64 minuta meta Bruno Domingos naqas milli jikkonkludi f’żewġ okkażjonijiet bid-difiża tevita il-periklu.
Hamrun għamlu l-iskor 3-0 għaxar minuti mit-tmiem meta Elvis għadda ballun lejn Prsa u dan tal-aħħar tefa’ il-ballun fix-xibka.
Skor Finali: Hamrun 3-0 Sirens
Referee: Fyodor Zammit
Plejer tal-logħba: Elvis Mashike Sukisa (Hamrun S.)
