Fl-ewwel partita tal-Ħadd fic-Centenary Stadium Balzan u Marsaxlokk ħadu punt kull wieħed fid-draw li ma’ offra ebda gowl.
L-ewwel azzjoni tal-lobgħa waslet mat-tlettax il-minuta meta Alex Satariano għadda ballun lejn Matheus Nogureria, iżda x-xutt ta’ dan tal-aħħar kien imblukkat mil-goalkeeper ta’ Marsaxlokk Drobnjak.
Fis-27 minuta kienu għal dabroħra Balzan meta free-kick ta’ Aleksa Andrejic għadda għoli mil-lasti difiżi mill-goalkeeper Marko Drobnjak.
L-ewwel azzjoni ta’ Marsaxlokk waslet fid-39 minuta meta kien Ayrton Attard li tefa’ kross u Krisitan Keqi bir-ras li xeħet barra.
Lejn tmiem l-ewwel taqsima kienu mill-ġdid Marsaxlokk meta kien Kristian Keqi li rċieva ballun u wara li avvanza prova xutt li għadda ftit barra.
Fit-tieni taqsima r-ritmu tal-partita baqa’ l-istess b’ħafna logħob f’ nofs il-grawnd u ftit li xejn azzjonijiet ta’ nota.
Fil-53 minuta kienu Marsxlokk permezz ta’ Tiago Adan Foncesa li kellu xutt li kien salvat bla problemi minn Rudy Briffa.
Biex minuta mit-tmiem kien freekick ta’ Leandro Aguirre għal Marsaxlokk li kien salvat għal darboħra bla problemi minn Rudy Briffa.
Skor Finali: Bazlan 0-0 Marsaxlokk
Referee: Daniel Portelli
Plejer tal-lobgħa: Alexander Satariano (Balzan)
