Fi tmiem il-ġimgħa li għaddiet kompla l-kampjonat tal-Hockey b’żewġ logħbiet.
Qormi Daikin ġew miżmuma fi dro ta’ 1-1 minn Floriana Young Stars fil-partita prinċipali li kellna fi tmiem il-ġimgħa mill-kampjonat nazzjonali tal-hockey.
Il-Furjaniżi kkontrollaw sew lill-avversarji u saħansitra marru fil-vantaġġ. Qormi kellhom bosta okkażjonijiet quddiem il-lasta iżda bejn in-nuqqas ta’ fortuna u bejn tentattivi oħra falluta, setgħu jiskorjaw gowl wieħed biss li kellu jkun dak ta’ draw.
Kien Anton Saliba li poġġa lill-Greens fil-vantaġġ lejn l-aħħar tal-ewwel quarter sabiex fit-tielet quarter Juan Sarcia ġab l-iskor indaqs għall-Qriema.
Floriana Young Stars: Marvin Grixti, Clive Williams, Mark Camilleri, Luke Borg Costanzi, Leon Gatt, Julian Farrugia, Nathan Zammit,Verner Cachia, Andrew Camilleri, Joy Gibson, Karl Chircop, Andrea Curmi, Justin Farrugia, Anton Saliba, Deemer Rapinett, Elton Cutajar.
Qormi Daikin: Shamison Mifsud, Shawn Dimech, Nathan Pace Gasan,Clayton Gatt, Luke Bajada, Zachary Degiovanni, Ayrton Falzon, Steve Tanti, Aaron Spiteri, Juan Sarcia, Julian Zahra, Daniel Ellul, John Williams, Keith Calleja, Axel Cauchi, Kyle Micallef, Luca Callus, Luca Fsadni.
Umpires: Emile Borg, Shawn Mifsud.
F’logħba oħra GREE Sliema Hotsticks iddominaw il-konfront tagħhom kontra White Hart tant li rebħu bl-iskor kbir ta’ 10-0.
Din il-logħba, li ntlagħbet taħt xita kontinwa, kienet ikkaraterizzata mill-Blues li bdew jattakkaw sa mill-bidu u skorjaw darbtejn f’kull quarter bl-iskor jikber fit-tielet u l-aħħar parti.
L-akkwist il-ġdid tagħhom Benedikt Schrenk skorja tripletta bi Christian Sammut u Shaun Grima ikunu awturi ta’ doppjetta. Alessandro Amore, Charlo Sammut u Ryan Dalli għaqqdu l-iskor għall-Blues.
B’din ir-rebħa, Sliema qed jokkupaw l-ewwel post tal-klassifika daqs Qormi Daikin.
GREE Sliema Hotsticks: Emile Borg, Ryan Dalli, Luke Brincat, Benjamin Johnston, Shaun Grima, Ryan George, Keith Scicluna, Gary Bonnici, Christian Sammut, Andy Monaghan, David Vella Dingli, Karl Borg, Alessandro Amore, Sean De Marco, Charlo Sammut, Ludwig Cole, Lukas Plaehn, Benedict Schrenk.
White Hart: Glen Bonello, Stephen Micallef, Paola Calleja, David Agius, Elton Lee Farrugia, Keith Azzopardi, Simon Kemp, Kevin Micallef, Ali Shah, Shawn Falzon, Karl Brincau, Oscar Toledano, Matthew Buhagiar, Matthew Camenzuli, Rick Micallef.
Umpires: James Mizzi, Edward Hughes.
Klassifika – Sliema , Qormi 5, Floriana 4, White Hart 0
Mill-Hockey 9s, GREE Sliema Hotsticks iddominaw kompletament il-logħba tagħhom kontra Marsaskala Summer Nights tant li rebħu 12-0.
F’logħba mill-kampjonat ta’ taħt it-18-il sena, Qormi Daikin għelbu lil Qormi Ladies 11-3.
