Jinħassu theżżiżiet oħra f’Malta

Il-grupp ta’ monitoraġġ u riċerka siżmika fl-Università ta’ Malta rreġistraw terremot b’qawwa ta’ 4.9 fuq l-iskala Richter, b’erba’ minuti wara tinħass theżżiża iżgħar. L-ewwel theżżiża ġiet irreġistrat fil-11.38 ta’ dalgħodu.

Dawn iż-żewġ theżżiżiet inħassu f’inqas minn ġimgħa li saru terremoti oħra viċin il-gżejjer Maltin, fil-fatt, l-aħħar li nħassu żewġ theżżiżiet kien nhar it-18 ta’ Jannar li għadda.