Fl-ewwel partita tas-Sibt fl-Stadium Nazzjonali f’Ta’ Qali, Gżira u Gudja kellhom jikkuntentaw b’punt kull wieħed fid-draw ta’ 1 – 1 f’konfront li kien kontrollat minn Trustin Farrugia Cann.
L-ewwel taqsima kienet ferm xotta mill-azzjonijiet fejn kellna biss azzjoni fuq kull lasta.
Fit-tieni taqsima Gżira ħarġu mill-ewwel fuq l-attakk u marru fil-vantaġġ fit-53 minuta meta Marcelo Dias kkrossja ballun fil-baxx u Zachary Scerri minn qagħda tajba spara fix-xibka.
Gudja ppruvaw iwettqu reazzjoni imma kellna nistennew sat-80 minuta biex naraw azzjoni oħra denja li ssarrfet fil-goal tad-draw għal Gudja bis-sostitut Tatsuro Nagamatsu jitfa’ mill-qrib fix-xibka wara xoghol tajjeb ta’ Vito Plut.
Gzira tħabtu biex jerġgħu jiskurjaw fit-tentattiv li jirbħu t-tliet punti iżda Gudja irnexxilhom jikkontrollaw.
Player tal-Loghba: Zachary Scerri (Gzira Utd)
Ritratt: Gżira United
