Fl-Urbi et Orbi mill-gallarija prinċipali tal-Bażilika ta’ San Pietru fil-Vatikan, il-Qdusija Tiegħu l-Papa Franġisku wassal il-messaġġ tal-Milied lill-eluf ta’ pellegrini li nġabru fi Pjazza San Pietru u l-eluf oħra li semgħuh mit-televiżjoni fi djarhom.
Kif mistenni, Papa Franġisku kellu messaġġ b’saħħtu dwar il-paċi, hekk kif qal li t-twelid ta’ Sidna Ġesu Kristu għandu jnibbet f’qalbna u fid-dinja paċi kbir.
L-Isqof ta’ Ruma għamel referenza għal dak li qed jgħaddu minnu n-nies tal-Ukrajna f’dawn iż-żminijiet, li minħabba l-gwerra qed jesperjenzaw biżà, kesħa u dlamijiet.
“Fratelli, sorelle, volgiamoci a Betlemme, dove risuona il primo vagito del Principe della pace. Sì, perché Lui stesso, Gesù, è la nostra pace: quella pace che il mondo non può dare e che Dio Padre ha donato all’umanità mandando nel mondo il suo Figlio. San Leone Magno ha un’espressione che, nella concisione della lingua latina, riassume il messaggio di questo giorno: Natalis Domini, Natalis est pacis», «il Natale del Signore è il Natale della pace.”
Kien hawn li Papa Franġisku għamel referenza għall-importanza tas-solidarjetà.
Fl-indirizz tiegħu huwa ftakar f’dawk it-tfal u l-familji li m’għandhomx x’jieklu, u kkundanna l-ħela kbira fl-ikel.
Il-Kap tal-Knisja Kattolika temm l-indirizz tiegħu billi qal biex f’dawn iż-żminijiet dejjem insibu kenn fl-imħabba t’Alla.
Bil-lingwa Taljana, Papa Franġisku bagħat l-awgurju tiegħu tal-Milied lid-dinja kollha.
