Ftit jiem ilu saret Kompetizzjoni tal-BMX Christmas Fest li kienet tikkonsisti minn tlielaq fit- it-trakka ta’ barra u kompetizzjonijiet oħra Indoor. L-avvenimenti kien bi tlielaq fuq it-track, fejn ħadu sehem numru kbir ta’ sewwieqa.
Timothy Attard rebaħ il-kategorija ta’ bejn it-13 sas-16-il sena, filwaqt li Lorenzo Baragolli rebaħ il-Kategorija ta’ bejn l-10 sa 13-il sena. Bill Bajada ġie l-ewwel fil-kategorija ta’ bejn is-7 sa 10 snin u Giacomo Gatt rebaħ il-kategorija ta’ taħt is-7 snin. Il-programm ta’ dan il-Fest kien jinkludi wkoll kompetizzjoni tal-Jam ġewwa l-indoor skate park. Il-kompetizzjoni kienet miftuħa għal grupp A u B. Dawn il-gruppi ntrebħu rispettivament minn David Aldan u Chalan Catania.
L-aktar sewwieq li wera progress fl-Indoor kien Bill Bajada li ġie ppreżentat bit-trofew mill-eks kummissarju tal-pulizija Alfred Abela. Ingħatat ukoll il-preżentazzjoni tat-trofej lill-ewwel 3 sewwieqa f’kull kategorija. L-Assocjazzjoni tal-BMX Malta tixtieq tirringrazzja lill-isponsors u lil dawk il-voluntiera kollha li għenu b’xi mod jew ieħor lejn dan l-avveniment ta’ suċċess.
