Raġel ta’ 25 sena min-Nepal sofra ġrieħi gravi wara li kien involut f’inċident tat-traffiku f’Birkirkara.
L-inċident seħħ għall-ħabta tal-ħdax ta’ filgħaxija fi Triq il-Wied.
REKLAM
SKROLLJA BIEX TKOMPLI
Mill-ewwel stħarriġ irriżulta li seħħet ħabta bejn Toyota Aygo, misjuqa minn Taljana ta’ 35 sena residenti San Ġwann, u mutur KTM Duke, misjuq mill-vittma.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
