Draw ta’ 1-1 bejn l-Olanda u l-Ekwador, iħalli kollox miftuħ fi Grupp A, għal min jikkwalifika għall-fażi li jmiss. B’dawn ir-riżultat, dawn iż-żewġ timijiet qed jaqsmu l-quċċata b’4 punti. Fl-istess grupp hemm warajhom is-Senegal bi tliet punti u l-Qatar mingħajr l-ebda punt.
L-Olandiżi fetħu kmieni l-iskor, meta wara biss sitt minuti Gakpo reġa’ skorja f’din il-kompetizzjoni.
REKLAM
SKROLLJA BIEX TKOMPLI
FIl-ħin miżjud tal-ewwel taqsima, l-Ekwador naqsu l-iskor, iżda mill-VAR il-gowl ta’ Estuphan kien offside.
Fil-ftuħ tat-tieni taqsima, eżattament fid-49 minuta, reġa kien Valencia li skorja għall-Ekwador.
L-aħħar logħbiet ta’ dan il-grupp ikunu nhar it-Tlieta fl-16:00, meta l-Ekwador jilagħbu kontra s-Senegal u l-Olanda kontra l-Qatar.
Ritratt: Twitter.
