It-tellieqa popolari tal-Eurosport Safi 5k se terġa’ lura nhar il-Ħadd 4 ta’ Diċembru f’dik li se tkun il-ħames edizzjoni tagħha.
Dan l-avveniment, organizzat minn Rush Athletic Club, jipprovdi lill-atleti stabbiliti kif ukoll dilettanti tal-ġiri b’waħda mill-aħħar opportuntajiet li jtemmu s-sena bl-aqwa ħin personali jew staġjonali fuq id-distanza ta’ ħames kilometri, bi tħejjija għad-distanzi itwal li ġeneralment huma assoċjati max-xhur il-ġodda tas-sena l-ġdida.
L-Eurosport Safi 5k se tgħaddi lill-atleti minn rotta b’xenarju mill-isbaħ lejn il-Lbiċ tal-gżira. Dan l-avveniment, li huwa uffiċjalment rikonoxxut minn Athletics Malta, mistenni jkun ċelebrazzjoni ta’ sport u divertiment għall-komunità atletika kollha.
L-ewwel tliet atleti rġiel u nisa se jingħataw trofej u premjijiet fi flus jew vawċerts filwaqt li r-rebbieħa kollha tal-kategoriji tal-etajeit differenti se jingħataw trofew.
L-atleti ż-żgħar se jkollhom l-opportunità li jingħaqdu f’din l-għodwa ta’ sport b’tellieqa ta’ kilometru (tfal imwielda 2009-2014) u Fun Run għal dawk iżgħar (imwielda 2015 jew wara). Se jitqassmu prodotti ta’ Go and Fun waqt dan l-avveniment, filwaqt li l-parteċipanti kollha se jingħataw midalja.
Aktar informazzjoni hi disponibbli fuq Facebook. (Eurosport Safi 5k fil-kategorija Events)
