Trust Payments Floriana Young Stars għelbu lil White Hart bl-iskor ta’ 4-0 f’logħba li żviluppat lejn l-aħħar żewġ quarters.
Din kienet rebħa importanti għall-Greens li wara s-suċċess li kellhom ħmistax ilu kontra GREE Sliema Hotsticks, riedu jikkonfermaw il-potenzjal tagħhom.
Min-naħa tagħhom, White Hart bdew jiddefendu tajjeb filwaqt li ppruvaw itellgħu xi kontrattakki lejn il-lasti Furjaniżi.
L-ewwel żewġ quarters ma pproduċew l-ebda gowl għalkemm Floriana marru minn fuq fit-tielet wieħed permezz ta’ Anton Saliba.
Il-Greens iddominaw ir-raba’ u l-aħħar quarter tant li skorjaw tliet gowls b’Anton Saliba jgħaqqad doppjetta personali u b’Deemer Rapinett u Mark Camilleri li jniżżlu isimhom fil-lista tal-iskorers.
Fi tmiem il-ġimgħa li ġej, Trust Payments Floriana Young Stars jilagħbu kontra Qormi Daikin f’logħba li għandha tkun ferm mistennija.
White Hart: Karl Borg, Stephen Micallef, Paola Calleja, David Agius, Elton Lee Farrugia, Luke Dimech, Alvin Galea, Kevin Micallef, Ali Shah, Shawn Falzon, Karl Dimech, Karl Brincau, Oscar Toledano, Matthew Buhagiar, Matthew Camenzuli, Keith Sciberras, Rick Micallef.
Trust Payments Floriana Young Stars: Marvin Grixti, Andrew Camilleri, Mark Camilleri, Luke Borg Costanzi, Leon Gatt, Julian Farrugia, Nathan Zammit, Verner Cachia, Elton Cutajar, Joy Gibson, Karl Chircop, Andrea Curmi, Justin Farrugia, Anton Saliba, Deemer Rapinett, Jean Paul Sapiano, Nikolai Sapiano.
Umpires: Emile Borg, Keith Calleja
Sadanittant f’partita waħda li kellna mill-kampjonat ta’ taħt id-19-il sena, GREE Sliema Hotsticks għelbu lil Marsaskala Heat 6-2.
Claydon Mifsud kien il-protagonista prinċipali ta’ din il-partita meta skorja erba’ gowls filwaqt li Gary Bonnici u Kurt Bonnici wkoll sabu x-xibka għal Sliema.
Marsaskala naqqsu l-marġni tal-iskor permezz ta’ Alessio Piscopo u Rebecca Mifsud.
