Is-sitt programm mill-avventura HazZzard ikompli t-Tnejn 14 ta’ Novembru fit-8:35pm fuq ONE, fejn ser tkompli l-avventura tad-disgħa parteċipanti fil-Kolombja.
Fil-programm ta’ din il-ġimgħa, il-parteċipanti ser ikomplu jgħixu l-esperjenza unika tal-produzzjoni tal-kafe, filwaqt li ser iħabbtu wiċċhom ma’ diversi sfidi partikolari fil-qalba tal-Belt ta’ Medellin.
Matul dawn l-isfidi, l-argumenti ma’ jonqsux. Fil-grupp ta’ Saviour, Wendy u Alison, jidher li l-paċenzja ta’ Saviour ukoll għandha l-limiti għaliex ser narawh f’nofs argument jahraq ma’ Wendy. Sitwazzjoni li mhux imdorrijin naraw lil Saviour fiha.
Intant, jekk Trid tkun parteċipant ta’ HazZzard 2023 tista’ tapplika billi sempliċiment tidħol fil-paġna ta’ HazZzard fuq facebook u tħalli messaġġ privat. It-tim tal-produzzjoni jibgħatlek il-formula tal-applikazzjoni. L-applikant imbagħad jintalab biex jattendi għall-‘audition’, biċ-ċans li jintagħżel għall-programm. Bhalissa qed isiru l-‘auditions’.
Segwi hawn x’se jiġri fil-programm ta’ din il-ġimgħa:
