Raġel arrestat fuq argument li ħalla raġel ieħor midrub b’daqqiet f’wiċċu bi flixkun imkisser

Etjopjan ta’ tmienja u għoxrin sena ġie arrestat ftit tal-ħin wara li seħħ argument li ħalla Somalu midrub.
Il-każ seħħ is-Sibt filgħaxija għall-ħabta tas-sitta u nofs, meta Somalu ta’ sitta u tletin sena li jgħix iż-Żebbuġ Għawdex, qala’ xi daqqiet f’wiċċu bi flixkun imkisser waqt argument f’residenza.
L-Etjopjan ġie arrestat fir-residenza fejn seħħ l-argument, li tinsab fi Triq it-Tin fis-Sannat.
L-investigazzjonijiet tal-Pulizija għadhom għaddejjin.