Joseph Chahayed jgħid li jħobb ibigħ il-biljetti tal-lotterija – u ser jieħu gost ibigħom aktar wara li l-jackpot tal-US Powerball tal-Istati Uniti laħaq ir-rekords dinji tat-Tlieta.
Skond Powerball, biljett wieħed rebaħ il-jackpot ta’ $2.04 biljun.
Kien Joseph li biegħ dan il-biljett f’Altadena, California, u għalhekk irċieva bonus ta’ miljun dollaru Amerikan.
In-nannu ta’ 10 t’itfal, li wasal l-Istati Uniti mis-Sirja fis-snin tmenin, qal li huwa eċċitat iżda se jirritorna l-ħanut bħas-soltu fis-06:00 kull filgħodu. Qal ukoll li ma jafx min xtara l-biljett, iżda jittama li huwa xi ħadd lokali. Huwa qal li jara ħafna nies foqra li jixtru biljetti bit-tama li jbiddlu ħajjithom.
Rigward il-pjanijiet tiegħu stess, qal li se jgħin lil uliedu.
“Ibni qed jistenna tarbija fi żmien xahrejn, allura diġà konna eċċitati,” spjega mal-mezzi tax-xandir.
“Dak li naf nagħmel hu li naħdem ħafna, sebat ijiem fil-ġimgħa,” kompla jgħid sid il-ħanut.
