Il-ħames programm mill-avventura HazZzard ikompli llejla fit-8:35pm fuq ONE. Fil-programm tal-llum li fih ftit minn kollox, ser tkompli l-avventura tad-disgħa parteċipanti fil-Kolombja filwaqt li l-emozzjonijiet u l-argumenti ma jonqsux. HazZzard ser ipoggi lill-parteċipanti f’sitwazzjoni skomda għall-aħħar u ser joħroġu fil-beraħ l-uċuħ u l-karattri tal-parteċipanti kollha.
Esklussivament qed nizvelaw it-trofej ta’ HazZzard 2022. It-trofej inħadmu mill-kumpaniji Steelo u My MiniPrinter 3D Print Studio. Kif jigri f’kull edizzjoni, f’HazZzard ikun hemm żewġ rebbieħa. Ir-rebbieħ li jirbaħ il-logħba waqt l-avventura, huwa l-parteċipant li jirnexxielu jkun wieħed mill-finalisti u jkollu ċ-ċavetta li tiftaħ il-kaxxa tat-teżor. Ix-xorti tilgħab parti importanti fil-loghba għaliex hija ċ-ċavetta valida għand min tkun li tiddetermina min hu r-rebbieħ tal-programm. It-tieni rebbieħ huwa l-parteċipant favorit mat-telespettaturi. Din hija għażla kompletament f’idejn is-segwaċi tal-programm permezz tat-televoting.
Trid tkun parteċipant ta’ HazZzard 2023? Biex tapplika trid sempliċiment tidħol fil-paġna ta’ HazZzard fuq facebook u
tħalli messaġġ privat. It-tim tal-produzzjoni jibgħatlek il-formula tal-applikazzjoni. L-applikant imbagħad jintalab biex jattendi għall-‘audition’, biċ-ċans li jintagħżel għall-programm. Bhalissa qed isiru l-‘auditions’.
HazZzard ikompli llejla fit-08:35 fuq ONE.
