Mara ta’ 38 sena u mara ta’ 60 sena qed isofru minn ġrieħi gravi wara inċident fi Triq Sliema, il-Gżira. L-inċident seħħ għall-ħabta tat-15.00.
Mill-ewwel stħarriġ irriżulta li kien kien hemm ħabta bejn żewġ vetturi, waħda tal-għamla Kia Avella, misjuqa minn mara li għandha 38 sena u residenti l-Imsida u vettura oħra tal-għamla Ford Fiesta, misjuqa minn mara ta’ 23 sena, residenti Marsaskala.
Fil-Kia Avella kien hemm ukoll mara ta’ 60 sena, residenti l-Gzira, bħala passiġġiera.
L-investigazzjonijiet tal-Pulizija għadhom għaddejjin.
