Bħala parti mill-preparamenti li għaddejjin qabel il-Logħob tal-Pajjiżi Żgħar tal-Ewropa li se jsiru f’Malta matul l-aħħar ġimgħa ta’ Mejju tal-2023, il-Kumitat Olimpiku Malti se jkun qed jospita diversi sezzjonijiet ta’ taħriġ fuq l-Edukazzjoni Olimpika għal studenti tal-Ħames Sena.
Dawn is-sezzjonijiet, li huma bla ħlas, se jsiru nhar ta’ Erbgħa fil-Kumpless Sportiv tal-Università u l-Uffiċċji tal-Kumitat Olimpiku Malti bejn id-9 ta’ Novembru 2022 u s-17 ta’ Mejju 2023. Importanti li l-gruppi tal-iskejjel jaslu qabel id-9.30am. Is-sessjoni tintemm madwar 12.30pm.
Massimu ta’ 75 student kuljum se jiġu aċċettati fuq bażi ta’ min jiġi l-ewwel, jintagħażel l-ewwel
Il-workshops se jinkludu Ċerimonja tal-Ftuħ, kant tal-Innu Nazzjonali, qari tal-Ġurament Olimpiku, żjara fil-Mużew Olimpiku, laqgħa ma’ atleta Olimpika, attivitajiet fiżiċi kif ukoll distribuzzjoni ta’ workbook u merkanzija relatata.
L-istudenti għandhom jilbsu l-kit sħiħ tal-PE tagħhom u jġibu l-ikel magħhom.
L-iskejjel interessati huma ġentilment mitluba jikkuntattjaw lis-Sinjura Miriam Aquilina fiċ-Ċentru MEYR għall-PE & Sport (miriam.aquilina@ilearn.edu.mt fuq 25983690) biex jikkonfermaw il-parteċipazzjoni tagħhom.
