Fil-partita tal-ġimgħa Gżira ġew megħluba mill-leaders Hamrun Spartans b’dawn tal-aħħar jiftħu vantaġġ ta’ seba punti fuq l-stess tim meta ħarġu rebbieħa bl-skor ta’ 2 – 1.
Kienu Gżira li marru fil-vantaġġ b’gowl ta’ Luke Tabone fil-25 minuta. Madankollu Hamrun ma nħasdux għaliex ħames minuti wara ġabu d-draw permezz ta’ Elvis Sukisa Mashike biex l-skor sat-tmiem l-ewwel taqsima baqa dak ta’ 1 – 1.
L-andament ta’ logħba fit-tieni taqsima naqas xi ftit iżda s-sostitut Luke Montabello ħdax il-minuta mit-tmiem skorja dak li kellu jkun il-gowl tar-rebħa.
Intant fl-erba logħbiet tas-Sibt, Mosta, Floriana u Valletta kisbu rebħa kull wieħed għas-spejjes ta’ Birkirkara, Żebbug u Balzan rispettivament.
Mosta taw it-tieni telfa konsekuttiva lill-Birkirkara meta rebħulhom 2 – 1. Minkejja l-bidu tajjeb ta’ Birkirkara, Mosta skorjaw darbtejn sat-tmiem l-ewwel taqsima biex mhux biss dawru r-riżultat favur tagħhom iżda k-kontrollaw għal kumplament tal-konfront biex akkwistaw tlett punti ferm importanti.
Gowl minn penatly kien biżżejjed għal Floriana sabiex irreġistraw l-ewwel rebħa fl-aħħar xahar u nofs wara li lagħbu għal iżjed min nofs il-konfront b’plejer anqas. Il-gowl tal-partita skorjaħ Oualid El Hasni.
Rebħa importanti ħafna r-reġistrawa Valletta meta fic-Centenary Stadium għelbu lill-Balzan biex għalihom din kienet l-ewwel rebħa minn Awwissu. Valletta dehru determinati sa mill-bidu net tal-partita u r-rebħa ta’ 3 – 1 ma’ kienitx sorpriża.
Fil-logħba l-oħra tas-Sibt draw ta’ mingħajr gowls bejn Santa Lucia u Sirens, draw li ma’ kuntenta li l-ebda tim partikolarment lit-tim minn San Pawl il-Baħar li kienu superjuri tul il-konfront minkejja b’plejer anqas għal ħafna ħinijiet.
Il-Ħadd Gudja United irritornaw għar-rebħ meta kontra Pieta ħadu l-massimu tal-punti b’gowl uniku ta’ Nicholas Navarette. Gudja kien ilhom tlett partiti mingħajr rebħa.
Fl-aħħar partita ta’ disa ġurnata iltaqaw Marsaxlokk u Hibernians, partita bejn żewġ timijiet li kienu ġejjin minn numru ta’ riżultati pożittivi iżda fil-ġurnata kellhom jikkuntentaw bid-draw ta’ 1 – 1. Kienu x-Xlukkajri li marru fil-vantaġġ kwarta mit-tmiem iżda Hibernians minuta mit-tmiem ġabu d-draw liema draw bih tellaw jaqsmu it-tielet post tal-klassifika flimkien ma Birkirkara u Gudja.
