Il-Gvern se joħroġ mill-ġdid iċ-ċekkijiet tar-rifużjoni tat-taxxa

Fil-Budget li tħabbar għas-sena d-dieħla, il-Gvern se jkompli jippremja lil min hu bieżel. Dan se jagħmlu permezz taċ-ċekk tar-rifużjoni tat-taxxa, li se jkompli jingħata tul is-sena d-dieħla.

Iċ-ċekk se jammonta għal bejn €60 u €140, bl-ogħla rifużjoni tingħata lil dawk bl-aktar dħul baxx.

Minn din il-miżura se jibbenefikaw ’il fuq minn 250,000 persuna, b’nefqa totali ta’ €26 miljun.