Malta spiċċat fit-tieni post tal-Kampjonat tad-Dinja tal-Blackball kategorija tal-irġiel hekk kif fl-aħħar ġurnata ta’ dawn il-kampjonati t-team malti tilef il-finali kontra l-organizzaturi Franza bl-iskor ta’ 13-4.
Kienet logħba diffiċli kontra team franċiż li kellu bosta plejers professjonali, fosthom iċ-champion tad-dinja Yannick Beaufils. Min-naħa tiegħu it-team malti kellu jikkuntenta bil-midalja tal-fidda.
B’hekk niżel is-siparju fuq dan il-kampjonat tad-dinja li jibqa’ mfakkar għar-rebħ tal-midalja tad-deheb fil-kategorija tal-Men’s doubles permezz tal-plejers Lydan Debono u Clint Azzopardi. Malta li rebħet ukoll il-fidda fl-istess kategorija permezz ta’ Owen Attard u Leon Azzopardi.
Sodisfazzjon ieħor fil-kategorija tal-Men’s Doubles U15 hekk kif l-aħwa Jake u Chaylon Castaldi rebħu l-midalja tad-deheb.
