Jekk Leicester City ikunu inkurunati champions tal-Premier Legue Ingliż illejla b’rebħa ta’ Chelsea fuq Tottenham, il-kowċ tagħhom Claudio Ranieri se jkun l-aħħar wieħed li jkun jaf. Skont il-BBC, dan għaliex huwa jkun fuq l-ajruplan ġej lura mill-Italja fejn illum se jippranza ma’ ommu Renata ta’ 96 sena.
Ranieri telaq lejn Ruma hekk kif it-team tiegħu m’akkwistax it-tliet punti meħtieġa kontra Manchester United biex jissiġilla r-rebħ tat-titlu. Madankollu Leicester Mercury tgħid li jekk Leicester jirbħu l-kampjonat, Ranieri żgur se jsib folla enormi l-ajruport tagħtih merħba ta’ eroj.
